Хүчитгэлийн давирхай /HM-180СЗР/

HM-180C3P – ӨНДӨР ҮЗҮҮЛЭЛТТЭЙ ЭПОКСИ НААЛДУУЛАГЧ:

        HM-180C3P нь өндөр үзүүлэлттэй эпокси наалдуулагч бөгөөд бетон, ган, керамик, чулуу, мод зэрэг олон төрлийн материалууд болон карбон файбер, шилэн файбер зэрэг сүлжмэл материалтай сайн холбогдож наалддаг.

Үндсэн мэдээлэл:

• Өнгө: Тунгалаг наалдамхай шингэн
• Савлагаа: А бүтээгдэхүүн 20 кг, В бүтээгдэхүүн 10 кг

Зориулалт:

• Бетон болон ган бүтээцийн бэхэлгээ
• Нийлмэл болон сүлжмэл материал (карбон файбер, шилэн файбер гэх мэт)-ын суурилуулалт
• Барилгын бүтцийн сэргээн засвар, сайжруулалт

Давуу тал:

• Нано материалын технологи ашигласан: Тархалт болон шингээх чадвар сайтай
• Поляр чанар сайжруулсан эпокси: Илүү гүн шингэж холбогдоно
• Өндөр наалдамхай чанар: 18%-иар илүү бэхэлнэ
• Органик дэгдэмхий бодис агуулаагүй: Хэрэглээний хэмжээ бага (15%-ийн хэмнэлттэй)
• Өндөр элэгдэлд тэсвэртэй, ус чийг, химийн бодисын эсрэг тэсвэртэй
• Шинжилгээний тайлангаар баталгаажсан: Хорт нөлөөгүй, хоргүй, тааламжтай

Ашиглах гадаргуу:

• Бетон, ган, мод, чулуу
• Шилэн файбер, карбон файбер, базальт файбер
• Олон төрлийн нийлмэл материал

Анхаарах зүйлс:

• Наалдуулагчийг хольж хэрэглэх ба хугацаа хэтэрсэн тохиолдолд хэрэглэхгүй
• А болон В бүрэлдэхүүнийг агаарт удаан хугацаагаар орхихгүй, битүүмжилж хадгалах
• Аюулгүйн хэрэгсэл өмсөх (амны хаалт, бээлий, нүдний шил)
• Арьсанд хүрвэл ацетон хэрэглэж, дараа нь усаар сайтар угаах
• Ам, хоолой эсвэл нүдэнд орвол яаралтай эмнэлгийн тусламж авах

Ашиглах заавар:

1. Гадаргуу бэлтгэх: Бетоны гадаргууг өнгөлж, буланг дугуйруулж бэлтгэнэ
2. Тэмдэглэгээ, цэвэрлэгээ: Гадаргууг цэвэр, хуурай болгосны дараа шаардлагатай тэмдэглэгээг хийнэ
3. Праймер түрхэх: HM-180 праймерийг түрхэнэ
4. Тэгшлэх наалдуулагч түрхэх: HM-180CE-ээр гадаргыг тэгшилнэ
5. Карбон файбер зүсэх: Төлөвлөсөн хэмжээгээр зүснэ
6. Наалдуулагч бэлдэх: А:В = 2:1 харьцаагаар холин нэгэн жигд болтол хутгана
7. Наалдуулагч түрхэх: HM-180C3P наалдуулагчийг түрхэнэ
8. Карбон файбер наах: Зүссэн файберийг наана
9. Бөмбөлөг үүссэн эсэхийг шалгах: Наалдуулагчийг түрхсэний дараа бүх хэсэгт жигд шингэсэн эсэх, дотор нь сул зай үүсээгүй эсэхийг нягталж шалгана

Зарцуулалт:

• 1 м² /300 GSM/ файбер даавуунд: 0.6–0.9 кг/м²
• 1 м² /600 GSM/ файбер даавуунд: 1.0–1.2 кг/м²

*GSM (Grams per Square Meter) нь даавууны нягт, жинг илэрхийлэх хэмжүүр бөгөөд 1 м² талбайд хэдэн грамм жинтэй байгааг заана. Жишээ нь:  300 GSM гэдэг нь 1 метр урт, 1 метр өргөнтэй (нийт 1 м²) даавууг жинлэхэд 300 грамм жинтэй байна гэсэн үг юм.